Բարձր տեխնոլոգիաների ոլորտի հարկային արտոնությունները ՀՀ-ում

ՀՀ Ազգային ժողովը 2024 թվականի դեկտեմբերի 4-ին ընդունեց «Բարձր տեխնոլոգիաների ոլորտին պետական աջակցության մասին» օրենքը՝ նպատակ հետապնդելով բարձրացնել ՀՀ բարձր տեխնոլոգիաների ոլորտի մրցունակությունը, շուկա ներգրավել նոր աշխատուժ, բարձրացնել աշխատողների հմտությունները և ապահովել ՀՀ դիրքերի ամրապնդումը՝ որպես արտադրանք արտահանող երկիր։

Բարձր տեխնոլոգիաների ոլորտի պետական աջակցության ենթակա գործունեության տեսակները՝ ըստ տնտեսական գործունեության դասակարգիչների, սահմանում է Կառավարությունը։

1. Հայաստանի Հանրապետությունում պետական գրանցում ստացած առևտրային կազմակերպությունները․
2. Հայաստանի Հանրապետությունում հաշվառված անհատ ձեռնարկատերերը:

Ովքեր կարող են դիմել

ՏՏ ոլորտի տնտեսավարող սուբյեկտները կարող են դիմել պետական աջակցություն ստանալու համար, եթե տնտեսավարող սուբյեկտի ավելացված արժեքի հարկի և (կամ) շրջանառության հարկի հարկային հաշվարկներով հայտարարագրած գործունեության բոլոր տեսակներից իրացման շրջանառության առնվազն 90 տոկոսը պետական աջակցության տրամադրման հաշվետու ժամանակաշրջանում ձևավորվել է բարձր տեխնոլոգիաների ոլորտի գործունեության տեսակներից։

Բարձր տեխնոլոգիաների ոլորտում պետական աջակցության ձևերը

Պետությունը կաջակցի բարձր տեխնոլոգիաների ոլորտի ընկերություններին հետևյալ ուղղություններով։

1. Աշխատանքային միգրանտների ներգրավում. Այն միգրանտների, որոնք իրականացնում են մասնագիտական աշխատանք և համարվում են տվյալ տնտեսավարող սուբյեկտի վարձու աշխատողներ։ Պետական աջակցությունը տնտեսավարող սուբյեկտին տրամադրվում է աշխատանքային միգրանտի՝ աշխատավարձի և դրան հավասարեցված այլ վճարումների կամ քաղաքացիական իրավական պայմանագրով աշխատանքի վարձատրության գծով հաշվարկված եկամտային հարկի գումարի 60 տոկոսի չափով։
2. Նոր աշխատողների ընդունում. Պետական աջակցությունը ՏՏ ոլորտի տնտեսավարող սուբյեկտին տրամադրվում է նոր աշխատողի աշխատավարձի և դրան հավասարեցված այլ վճարումների կամ քաղաքացիական իրավական պայմանագրով աշխատանքի վարձատրության գծով հաշվարկված եկամտային հարկի գումարի 60 տոկոսի չափով։ (Նոր աշխատող` առաջին անգամ բարձր տեխնոլոգիաների ոլորտ մուտք գործած և մասնագիտական աշխատանք կատարող վարձու աշխատող.)
3. Աշխատողների վերապատրաստում. Մասնագիտական աշխատանք կատարող կադրերի պատրաստման և վերապատրաստման (այսուհետ՝ վերապատրաստում) համար։ Պետական աջակցությունը տնտեսավարող սուբյեկտին տրամադրվում է վերապատրաստում անցած մասնագիտական աշխատանք կատարող վարձու աշխատողի աշխատավարձի և դրան հավասարեցված այլ վճարումների կամ քաղաքացիական իրավական պայմանագրով աշխատանքի վարձատրության գծով հաշվետու ժամանակաշրջանում հաշվարկված եկամտային հարկի գումարի 50 տոկոսի չափով։

Օգտվեք Բարձր Տեխնոլոգիաների ոլորտում հարկային արտոնություններից!

Դիմեք մեր մասնագիտական խորհրդատվությանը և իմանացեք, թե ինչպես կարող եք օգտվել ՀՀ բարձր տեխնոլոգիաների ոլորտի պետական հարկային արտոնություններից։

Դիմեք մեզ այսօր

Առանցքային կետեր

1. Աշխատանքային միգրանտներին (այդ թվում՝ քաղաքացիական իրավունքի պայմանագրերով աշխատող) տրվող աջակցությունը հաշվարկվում է որպես նրա վարձատրության անձնական եկամտահարկի 60%-ը։ Սույն պետական աջակցությունն ուժի մեջ է մտնում 2026 թվականի հունվարի 1-ից և գործում է մինչև 2031 թվականի դեկտեմբերի 31-ը։
2. Վերոնշյալ դրույթներով հաշվետու ժամանակաշրջանի համար տրամադրվող ընդհանուր պետական աջակցությունը չի կարող գերազանցել նույն հաշվետու ժամանակաշրջանի բոլոր աշխատողների (ներառյալ քաղաքացիական իրավունքի պայմանագրերով աշխատողների) վարձատրության վրա հաշվարկված անձնական եկամտահարկի ընդհանուր գումարի 50 տոկոսը։
3. Շրջանառության հարկի համակարգում գործող կազմակերպությունը կամ անհատ ձեռնարկատերն աջակցությունից օգտվելը սկսելու օրացուցային տարվան հաջորդող երրորդ օրացուցային տարին լրանալուց հետո կարող է շարունակել օգտվել աջակցությունից, եթե գործում է հարկման ընդհանուր համակարգում։

Բարձր տեխնոլոգիաների ոլորտի մասին օրենքի և հարկային արտոնությունների մասին ավելին իմանալու համար դիմեք մեզ կամ Ստացեք Գնառաջարկ:

Ուշադրություն։ Տվյալ նյութը ամբողջական չէ և ներկայացված է ընդհանուր տեղեկատվության համար։ Ավելի մանրամասն տեղեկատվության համար անհրաժեշտ է ընթերցել Հարկային օրենսգրքի համապատասխան հոդվածները և որոշումները։